عالمی نیٹ ورک "الشعائر" کے ڈائریکٹر کی امام حسین علیہ السلام میڈیا کمپلیکس کے میڈیا ٹاور میں آمد

اربعینِ حسینی کا عظیم پیدل مارچ عالمِ اسلام کے سب سے بڑے روحانی اجتماعات میں شمار ہوتا ہے، جس کے پیغامِ اہلِ بیت علیہم السلام کو دنیا بھر تک مؤثر انداز میں پہنچانے کے لئے دینی اور مذہبی ذرائع ابلاغ کے باہمی تعاون اور ہم آہنگی کی ہمیشہ ضرورت رہی ہے۔

شیعہ نیوز ایجنسی کے مطابق، اسی سلسلہ میں عالمی نیٹ ورک "الشعائر” کے ڈائریکٹر نصیر الشحمانی نے امام حسین علیہ السلام میڈیا کمپلیکس کے میڈیا ٹاور کا دورہ کیا، جہاں انہوں نے اس ادارے کے ڈائریکٹر حجۃ الاسلام والمسلمین شیخ مصطفی محمدی سے ملاقات کی۔

ملاقات کے دوران اربعینِ حسینی کے عظیم پیدل مارچ کی مؤثر میڈیا کوریج اور اس کے مختلف پہلوؤں کو عالمی سطح پر اجاگر کرنے کے حوالے سے تبادلۂ خیال کیا گیا۔

دونوں شخصیات نے اس بات پر زور دیا کہ جدید ذرائع ابلاغ اور دستیاب میڈیا صلاحیتوں سے بھرپور استفادہ کرتے ہوئے اربعینِ حسینی کے پیغامِ آزادی، اخوت، ایثار اور زائرین کے درمیان موجود اتحاد و ہمدلی کو دنیا بھر تک مؤثر انداز میں پہنچایا جائے۔