آسٹریلیا کے شہر ملبورن میں شیعیانِ اہلِ بیت علیہم السلام اور محبانِ امام حسین علیہ السلام کی جانب سے یومِ عاشورا کی عزاداری
آسٹریلیا کے شہر ملبورن میں شیعیانِ اہلِ بیت علیہم السلام اور محبانِ امام حسین علیہ السلام کی جانب سے یومِ عاشورا کی عزاداری
دس محرم الحرام کے موقع پر آسٹریلیا کے شہر ملبورن میں مقیم شیعیانِ اہلِ بیت علیہم السلام، مہاجرین اور حضرت سیدالشہداء امام حسین علیہ السلام کے عقیدت مندوں کی بڑی تعداد نے یومِ عاشورا کی مناسبت سے نہایت عقیدت و احترام کے ساتھ مجالسِ عزا اور عزاداری کا اہتمام کیا۔
عزادارانِ حسینی نے سینہ زنی کے جلوس برآمد کئے، مقتل خوانی کی اور نمازِ ظہرِ عاشورا باجماعت ادا کرکے شہدائے کربلا کی عظیم قربانیوں کو خراجِ عقیدت پیش کیا۔
شیعہ خبر رساں ایجنسی کے مطابق، ملبورن کے اسلامی مراکز اور امام بارگاہ ان روح پرور مجالس عزا کے میزبان رہے۔ اس موقع پر عزاداروں نے نیاز و نذورات بھی تقسیم کئے اور امام حسین علیہ السلام کی مظلومیت، انسانی کرامت، عدل، امن اور حق و انصاف کے آفاقی پیغام کو آسٹریلیا کے کثیرالثقافتی معاشرے تک مؤثر انداز میں پہنچایا۔
