شہرِ مقدس قم میں بیتِ آیۃ اللہ العظمیٰ سید صادق حسینی شیرازی دام ظلہ میں تاسوعائے حسینی کی مجلسِ عزا منعقد

شہرِ مقدس قم میں بیتِ آیۃ اللہ العظمیٰ سید صادق حسینی شیرازی دام ظلہ میں تاسوعائے حسینی کی مجلسِ عزا منعقد

بدھ 24 جون 2026 مطابق تاسوعائے حسینی، شہرِ مقدس قم میں مرجعِ عالی قدر آیت اللہ العظمیٰ سید صادق حسینی شیرازی دام ظلہ کے بیت میں حضرت امام حسین علیہ السلام، ان کے علمبردار و باب الحوائج حضرت ابوالفضل العباس علیہ السلام اور ان کے وفادار اصحاب کی شہادت کی مناسبت سے مجلسِ عزا منعقد ہوئی۔

اس بابرکت اور روح پرور مجلس میں آیت اللہ العظمیٰ سید صادق حسینی شیرازی دام ظلہ کے علاوہ علمی، دینی، ثقافتی اور سماجی شخصیات کی بڑی تعداد کے ساتھ ساتھ عوامی سطح پر عزادارانِ حسینی نے بھی شرکت کی۔

مجلس سے حجۃ الاسلام والمسلمین حائری طبسی، حجۃ الاسلام والمسلمین شریفانی اور حجۃ الاسلام والمسلمین باقی اصفہانی نے خطاب کیا، جبکہ اہلِ بیت علیہم السلام کے مصائب پر پرسوز انداز میں عزاداری اور ذکرِ شہادت بھی کیا گیا۔