ماہِ محرم الحرام 1448 ہجری کی آمد کے موقع پر، ملک مڈغاسکر کے شہر ماہا جانگا میں مرجع عالی قدر آیۃ اللہ العظمیٰ سید صادق حسینی شیرازی دام ظلہ سے وابستہ حسینیہ سلطان المؤلفین میں حضرت اباعبداللہ الحسین علیہ السلام کے پرچمِ عزا کو بلند اور نصب کرنے کی پُروقار مجلس منعقد ہوئی۔
اس مجلس میں شیعانِ اہلِ بیت علیہم السلام اور محبانِ اہلِ بیت علیہم السلام کی ایک بڑی تعداد نے شرکت کی۔ حاضرین نے سید الشہداء امام حسین علیہ السلام کے ماہِ عزا کے آغاز کو عقیدت و احترام کے ساتھ منایا اور پرچمِ عزائے حسینی بلند کر کے شعائرِ حسینی کے تسلسل اور ثقافتِ عاشورا کو زندہ رکھنے کے عزم کا اظہار کیا۔
اس موقع پر مجلس عزا بھی منعقد ہوئی، جس سے حجۃ الاسلام شیخ محمد رضی وسرام، مدیرِ دفترِ مرجعِ عالی قدر آیۃ اللہ العظمیٰ شیرازی در ماہا جانگا، نے خطاب فرمایا۔
حسینیہ سلطان المؤلفین شہر ماہا جانگا میں مرجعیت سے وابستہ فعال دینی و ثقافتی مراکز میں شمار ہوتا ہے اور مختلف مذہبی و ثقافتی سرگرمیوں کے ذریعے دینی خدمات انجام دے رہا ہے۔
