دفتر آیۃ اللہ العظمیٰ شیرازی کربلا معلی میں علمی نشستوں اور ہفتہ وار مجالس حسینی کا سلسلہ جاری
مرجعِ عالی قدر آیۃ اللہ العظمیٰ سید صادق حسینی شیرازی کے شہرِ مقدس کربلا میں قائم دفتر نے اپنے علمی و ثقافتی پروگراموں کے تحت عقائد اور فقہ سے متعلق تخصصی نشستوں کا سلسلہ جاری رکھا ہوا ہے۔
ان نشستوں کا حالیہ اجلاس صبح اور شام کے دو اوقات میں منعقد ہوا، جس میں دفترِ مرجعیت کے فضلاء، اراکین اور علومِ اہلِ بیت علیہم السلام کے طلاب کی ایک بڑی تعداد نے شرکت کی۔ اس موقع پر مختلف اعتقادی اور فقہی موضوعات پر علمی بحث و تحقیق کی گئی اور اہم مسائل کا جائزہ لیا گیا۔
اسی طرح مذکورہ دفتر نے اپنے ہفتہ وار معمول کے مطابق جمعرات کی شب اہلِ بیت علیہم السلام سے توسل کی روحانی محفل کا بھی انعقاد کیا۔
اس بابرکت مجلس میں حجۃ الاسلام شیخ حسین سلطانی نے خطاب کرتے ہوئے معارفِ اہلِ بیت علیہم السلام اور نہضتِ حسینی کے تعلیمات و پیغامات کو بیان کیا۔
انہوں نے حاضرین کو سیرتِ اہلِ بیت علیہم السلام سے وابستگی مضبوط کرنے اور پیغامِ عاشورا کو اپنی انفرادی و اجتماعی زندگیوں میں عملی طور پر اپنانے کی تلقین کی۔
