قم میں بیت آیۃ اللہ العظمیٰ شیرازی میں مجلس عزائے امام محمد باقر علیہ السلام منعقد

قم میں بیت آیۃ اللہ العظمیٰ شیرازی میں مجلس عزائے امام محمد باقر علیہ السلام منعقد

7 ذی الحجہ، یومِ شہادتِ حضرت امام محمد باقر علیہ السلام کی مناسبت سے مرجعِ عالی قدر آیت اللہ العظمیٰ سید صادق حسینی شیرازی کے قم مقدس میں واقع دفتر میں ایک پُرعظمت مجلسِ عزا و سوگواری منعقد ہوئی، جس میں علما، فضلا، حوزۂ علمیہ کے طلاب اور اہلِ بیت علیہم السلام کے عقیدت مندوں نے بڑی تعداد میں شرکت کی۔

اس مجلس عزا میں مقررین اور خطباء نے پانچویں امام حضرت باقرالعلوم علیہ السلام کی سیرتِ طیبہ کی روشنی میں امتِ مسلمہ کی ہدایت اور دینی معارف کے فروغ میں آپؑ کے بے مثال اور تاریخی کردار کو بیان کیا۔

خطباء نے اس بات پر زور دیا کہ امام باقر علیہ السلام کا علمی ورثہ اپنے زمانے کے فکری اور عقیدتی انحرافات کے مقابلے میں ایک مضبوط دفاعی حصار تھا۔

مجلس عزا کے اختتام پر اہلِ بیت علیہم السلام کے ذاکرین نے مرثیہ خوانی اور خاندانِ عصمت و طہارت علیہم السلام کے مصائب بیان کئے۔

بعد ازاں حضرت بقیۃ اللہ الاعظم امام زمانہ عجل اللہ تعالیٰ فرجہ الشریف کے ظہور میں تعجیل کی اجتماعی دعا کے ساتھ یہ مجلس اختتام پذیر ہوئی۔