دمشق کے حوزۂ علمیہ زینبیہ میں حضرت رقیہ اور امام حسن مجتبیٰ سلام اللہ علیہما کی شہادت کی مناسبت سے مجالسِ عزا کا انعقاد
دمشق کے حوزۂ علمیہ زینبیہ میں حضرت رقیہ اور امام حسن مجتبیٰ سلام اللہ علیہما کی شہادت کی مناسبت سے مجالسِ عزا کا انعقاد
دمشق میں مرجع عالی قدر آیۃ اللہ العظمیٰ سید صادق حسینی شیرازی سے وابستہ حوزہ علمیہ زینبیہ میں حضرت رقیہ سلام اللہ علیہا اور حضرت امام حسن مجتبیٰ علیہ السلام کی شہادت کی مناسبت سےمجالسِ عزا منعقد ہوئیں۔
ان مجالس میں سیکڑوں مرد و خواتین نے شرکت کی۔ پروگرام کا آغاز تلاوتِ قرآنِ کریم سے ہوا، جس کے بعد حضرت رقیہ سلام اللہ علیہا اور حضرت امام حسن علیہ السلام کی زیارت پڑھی گئی۔
اس موقع پر علماء کرام نے اہلِ بیت علیہم السلام کی سیرت، فضائل اور ان کے پیغام پر روشنی ڈالی، جبکہ بعد ازاں مجالسِ عزا اور مرثیہ خوانی کا اہتمام بھی کیا گیا۔
مجلس عزا کا ایک نمایاں حصہ اہلِ بیت علیہم السلام کے مصائب اور شہادت پر مبنی نمائشی مناظر (اسٹیج پرفارمنس) تھے، جنہیں خاندانِ رسالت صلی اللہ علیہ وآلہ وسلم پر ڈھائے گئے مظالم اور ان کی عظیم قربانیوں کو مؤثر انداز میں اجاگر کرنے کے مقصد سے پیش کیا گیا۔ ان مناظر نے حاضرین کو رنج و غم کی کیفیت میں ڈبو دیا اور اہلِ بیت علیہم السلام سے عقیدت و محبت کے جذبات کو مزید تازہ کر دیا۔
