عالمی تنظیم نفیِ تشدد نے دنیا میں رواداری اور پُرامن بقائے باہمی کے فروغ کا مطالبہ کر دیا
عالمی تنظیم نفیِ تشدد نے دنیا میں رواداری اور پُرامن بقائے باہمی کے فروغ کا مطالبہ کر دیا
دنیا بھر میں ایک ساتھ پُرامن زندگی گزارنے کے عالمی دن کے موقع پر عالمی تنظیم نفیِ تشدد "فری مسلم” نے اقوام اور مختلف مذاہب کے ماننے والوں کے درمیان مکالمے، رواداری اور بقائے باہمی کی ثقافت کو مضبوط بنانے کی ضرورت پر زور دیا ہے۔
تنظیم نے خبردار کیا کہ دنیا کے مختلف خطوں میں بڑھتے ہوئے تنازعات اور سیاسی بحران انسانی معاشروں کے امن و استحکام کے لئے سنگین خطرات پیدا کر رہے ہیں۔
شیعہ خبر رساں ایجنسی کے مطابق، عالمی تنظیم نفیِ تشدد نے اپنے ایک بیان میں کہا کہ مسلح جھڑپوں کے پھیلاؤ اور گفتوگو کے بجائے طاقت کے استعمال نے سماجی اختلافات کو مزید گہرا اور اقوام کی مشکلات میں اضافہ کر دیا ہے۔
"فری مسلم” نے تاکید کی کہ بحرانوں کا پائیدار حل سفارتی ذرائع اور مختلف فریقوں کے درمیان تعمیری مکالمے میں پوشیدہ ہے۔
بیان میں نفرت انگیزی، نسلی امتیاز اور میڈیا کے ذریعے اشتعال انگیزی کے خلاف مؤثر اقدامات کی ضرورت پر بھی زور دیا گیا۔ مزید کہا گیا کہ سماجی انصاف اور اقلیتوں کے حقوق کا تحفظ، معاشروں میں امن و سکون اور استحکام کی بنیادی ستونوں میں شمار ہوتا ہے۔
عالمی تنظیم نفیِ تشدد نے حکومتوں اور بین الاقوامی اداروں سے مطالبہ کیا کہ وہ اقوام کے درمیان امن، اعتماد اور باہمی احترام کی فضا کو فروغ دینے کے لئے مزید سنجیدہ اقدامات کریں۔
