یورپ کی مقامی سوشل میڈیا نیٹ ورکس کے فروغ کی کوششیں؛ امریکی و ایشیائی پلیٹ فارمز پر انحصار کم کرنے کا منصوبہ
یورپ کی مقامی سوشل میڈیا نیٹ ورکس کے فروغ کی کوششیں؛ امریکی و ایشیائی پلیٹ فارمز پر انحصار کم کرنے کا منصوبہ
یورپ سے موصولہ رپورٹس کے مطابق اس براعظم میں مقامی سوشل میڈیا نیٹ ورکس قائم کرنے کے لئے نئی منصوبہ بندیاں تیزی سے سامنے آ رہی ہیں۔
ان منصوبوں کا بنیادی مقصد صارفین کا انحصار بڑے امریکی اور ایشیائی پلیٹ فارمز پر کم کرنا بتایا جا رہا ہے۔
خبر رساں ایجنسی “یورونیوز” کے مطابق، یورپی یونین مقامی سوشل میڈیا پلیٹ فارمز کی ترقی کے ذریعہ اپنے صارفین کو بومی نیٹ ورکس استعمال کرنے کی ترغیب دینا چاہتی ہے۔
اگرچہ اس راستے میں فنی مسائل اور سخت مسابقت جیسے بڑے چیلنجز موجود ہیں۔
رپورٹ میں مزید کہا گیا ہے کہ بڑی ٹیکنالوجی کمپنیوں پر بڑھتے ہوئے عدم اعتماد اور یورپ و امریکہ کے درمیان سیاسی کشیدگی نے ان منصوبوں کی حمایت کے لیے سازگار ماحول پیدا کیا ہے۔
اسی سلسلہ میں “پولیٹیکو یورپ” نے بعض ٹیکنالوجی ماہرین کے حوالے سے لکھا ہے کہ موجودہ حالات یورپ کے لئے ڈیجیٹل خودمختاری مضبوط بنانے کا ایک اہم موقع ثابت ہو سکتے ہیں۔
ماہرین کے مطابق حالیہ سیاسی تبدیلیوں اور بحرِ اوقیانوس کے دونوں جانب بڑھتے اختلافات نے یورپی ممالک کو آزاد ڈیجیٹل انفراسٹرکچر قائم کرنے کی جانب زیادہ سنجیدہ کر دیا ہے۔
