آسٹریا اور ازبکستان کا افغان پناہ گزینوں کی بے دخلی میں سہولت کے لئے معاہدہ، تشویش میں اضافہ

آسٹریا اور ازبکستان کا افغان پناہ گزینوں کی بے دخلی میں سہولت کے لئے معاہدہ، تشویش میں اضافہ

آسٹریا کی حکومت نے اپنی نئی مہاجرتی پالیسیوں کے تحت ازبکستان کے ساتھ ایک معاہدہ کرنے کا فیصلہ کیا ہے، جس کا مقصد افغان پناہ گزینوں کی بے دخلی کے عمل کو آسان بنانا ہے۔

یہ اقدام یورپ کی جانب سے افغان مہاجرین کے حوالے سے سخت پالیسیوں کے تسلسل میں سامنے آیا ہے۔

روزنامہ "8 صبح” کی رپورٹ کے مطابق، یہ معاہدہ آسٹریا کے حکام کے تاشقند کے دورے کے دوران دستخط کیا جائے گا۔ اس کے تحت پناہ گزینوں کو پہلے ازبکستان منتقل کیا جائے گا اور پھر وہاں سے افغانستان واپسی کے عمل کو آسان بنایا جائے گا۔

نشریہ "ڈی پریسے” کے مطابق، اس سے قبل افغان مہاجرین کی بے دخلی کا راستہ ترکی کے ذریعہ اختیار کیا جاتا تھا۔ ان نئی پالیسیوں میں اضافے نے پناہ گزینوں اور بین الاقوامی اداروں میں ان کی انسانی صورتحال کے حوالے سے شدید تشویش پیدا کر دی ہے۔