افغانستان کے 7 صوبوں میں منشیات کے علاج کے مراکز کی حمایت، اقوام متحدہ اور جاپان کا اشتراک

افغانستان کے 7 صوبوں میں منشیات کے علاج کے مراکز کی حمایت، اقوام متحدہ اور جاپان کا اشتراک

افغانستان میں منشیات کے عادی افراد کے علاج کی خدمات کو بہتر بنانے کے لئے بین الاقوامی اداروں کے تعاون سے ایک پروگرام جاری ہے۔

روزنامہ 8 صبح کے مطابق، اقوام متحدہ کا دفتر برائے منشیات و جرائم نے اعلان کیا ہے کہ وہ جاپان انٹرنیشنل کوآپریشن ایجنسی کے تعاون سے افغانستان میں منشیات کے علاج کے مراکز کی حمایت کر رہا ہے۔

اس معاونت میں پانی کی سہولیات کی بہتری، صحت و صفائی کی خدمات، طبی دیکھ بھال، شمسی توانائی کے نظام کی تنصیب اور مریضوں و عملے کی سیکیورٹی کو یقینی بنانا شامل ہے۔

یہ منصوبہ 7 طبی مراکز میں نافذ کیا جا رہا ہے جو صوبہ قندہار، ہلمند اور بدخشان سمیت مختلف علاقوں میں واقع ہیں۔