وزارت داخلہ عراق نے ماہِ مبارک رمضان کے لئے خصوصی سیکیورٹی منصوبے پر عمل درآمد کی تمام ضروری تیاریاں مکمل کر لی ہیں۔
یہ منصوبہ روضہ ہائے مقدسہ اور مذہبی زیارت گاہوں، امام بارگاہوں، مساجد، بازاروں اور اہم تجارتی و حیاتی مراکز کی حفاظت کو یقینی بنانے کے مقصد سے ترتیب دیا گیا ہے، تاکہ شہریوں کی رفت و آمد اور مرکزی شاہراہوں پر کسی قسم کی رکاوٹ پیدا کئے بغیر امن و امان برقرار رکھا جا سکے۔
خبر رساں ادارہ «الفـرات نیوز» کے مطابق وزارتِ داخلہ کے شعبۂ تعلقات عامہ و میڈیا کے سربراہ مقداد میری نے اعلان کیا کہ سیکیورٹی فورسز زمینی معلومات اور دقیق جائزے کی بنیاد پر حساس مقامات پر تعینات کی جائیں گی۔
انہوں نے شہریوں سے تعاون اور مشکوک سرگرمیوں کی اطلاع دینے کی ضرورت پر زور دیا، اور یاد دہانی کرائی کہ ماہِ رمضان سے متعلق قوانین کی خلاف ورزی کرنے والوں کے خلاف قانونی کارروائی عمل میں لائی جائے گی۔
یہ جامع منصوبہ اطلاعاتی تحفظ اور منظم و پرسکون تعیناتیِ افواج کو محور بناتے ہوئے ماہِ مبارک رمضان کے ایام میں شہریوں اور زائرین کے امن، نظم و ضبط اور سلامتی کو یقینی بنانے کی سنجیدہ کوشش قرار دیا جا رہا ہے۔
