لندن: مؤسسہ امام حسین علیہ السلام الخیریہ کی عاشورہ مارچ میں شرکت — 25 ہزار پانی کی بوتلوں کی تقسیم

لندن: مؤسسہ امام حسین علیہ السلام الخیریہ کی عاشورہ مارچ میں شرکت — 25 ہزار پانی کی بوتلوں کی تقسیم

برطانیہ کے دارالحکومت لندن میں بروز اتوار، 10 محرم الحرام 1447 ہجری کو مؤسسہ امام حسین علیہ السلام الخیریہ، جو کہ مرجع دینی اعلیٰ حضرت آیت اللہ العظمٰی سید صادق حسینی شیرازی دام ظلہ سے وابستہ ہے، نے جلوسِ عاشورہ میں نمایاں شرکت کی۔

اس موقع پر مؤسسہ نے عزاداروں میں 25 ہزار سے زائد پانی کی بوتلیں تقسیم کیں، جو کہ اس مناسبت کی اہم ترین خدماتی کاوشوں میں سے ایک تھی۔

مؤسسہ نے اپنے جاری کردہ بیان میں واضح کیا کہ یہ اقدام مرجع دینی اعلیٰ حضرت آیت اللہ العظمٰی سید صادق حسینی شیرازی دام ظلہ کے ان مستقل ارشادات کی پیروی میں کیا گیا، جن میں وہ دنیا بھر میں شعائرِ حسینیہ کے احیاء اور پیغامِ کربلا کو ہر ممکن ذریعے سے عام کرنے پر زور دیتے ہیں۔

بیان کے مطابق، اس خدمت میں 40 شیعہ رضاکاروں نے حصہ لیا، جنہوں نے عزاداروں کی خدمت کو اپنا فریضہ سمجھتے ہوئے ایثار و ولاء کا عملی مظاہرہ کیا۔

ثقافتی پہلو سے مؤسسہ نے اس موقع کو غیر مسلموں کے لیے امام حسین علیہ السلام کے مقصد اور واقعۂ کربلا کی وضاحت کے لیے استعمال کیا، تاکہ دنیا میں اس عظیم قربانی کے عدل و انصاف اور انسانی اصولوں پر مبنی پیغام کو عام کیا جا سکے۔

مؤسسہ امام حسین علیہ السلام الخیریہ کی ایسی سرگرمیاں، مغربی معاشروں میں شعائرِ حسینیہ کی خدمت اور دینی و ثقافتی موجودگی کو فروغ دینے کے اس کے مسلسل پروگرام کا حصہ ہیں، جو مرجعیتِ شیرازی کے کربلا کو عالمی سطح پر روشناس کرانے کے وژن کے مطابق ہیں۔