مصنوعی ذہانت جدید جنگ کا محور، اور سائبر میدان اصل محاذ

آج کی دنیا میں جنگیں اب صرف بم اور میزائل تک محدود نہیں رہیں بلکہ سائبر جنگ باقاعدہ طور پر تصادم کا مرکزی میدان بن چکی ہے۔

ماہرین کے مطابق مصنوعی ذہانت اور جدید سافٹ ویئر توانائی، مواصلات اور ذرائع ابلاغ جیسے اہم شعبوں کو نشانہ بنا رہے ہیں، جبکہ معلومات اور رائے عامہ پر کنٹرول اس جنگ میں غیر معمولی اہمیت اختیار کر چکا ہے۔

یہ ٹیکنالوجی فوجی کمانڈروں کو پیچیدہ فیصلے زیادہ تیزی اور درستگی کے ساتھ کرنے اور سائبر و اطلاعاتی آپریشنز کی مؤثر نگرانی کا موقع فراہم کرتی ہے۔

آناطولی نیوز کی رپورٹ کے مطابق، کمپنی Cyber Arts کے حوالے سے بتایا گیا ہے کہ مصنوعی ذہانت ڈیٹا کے تجزیے اور فوجی آپریشنز کی منصوبہ بندی میں کلیدی کردار ادا کرتی ہے۔

اس کی صلاحیت صرف جسمانی تباہی تک محدود نہیں بلکہ ڈیجیٹل حملوں کی رہنمائی اور معلومات کے بہاؤ کو کنٹرول کرنے تک پھیلی ہوئی ہے۔

اسی طرح Firdevs Bulut Kartal نے مزید کہا ہے کہ آج کی سائبر جنگ تین سطحوں پر لڑی جا رہی ہے: بنیادی ڈھانچے میں دراندازی، میڈیا میں رد و بدل اور نفسیاتی آپریشنز اور ڈیجیٹل مجرمانہ سرگرمیاں جیسے فشنگ اور رینسم ویئر

ماہرین نے خبردار کیا ہے کہ ٹیکنالوجی پر بڑھتا ہوا انحصار کسی بھی ملک کو کمزور بنا سکتا ہے، اور ڈیجیٹل خودمختاری آئندہ جنگوں میں کامیابی یا ناکامی کا فیصلہ کن عنصر ثابت ہوگی۔