اقوامِ متحدہ نے اعلان کیا ہے کہ سوڈان کی فوج اور ریپڈ اسپورٹ فورسز کے درمیان تقریباً تین سال سے جاری جھڑپوں نے پورے ملک میں 2 کروڑ 12 لاکھ سے زائد لوگوں کو شدید بھوک میں مبتلا کر دیا ہے۔
شیعہ خبر رساں ایجنسی نے ریڈیو فرانس کے حوالے سے بتایا کہ ملک کے دو علاقوں میں قحط کی تصدیق ہو چکی ہے اور جہاں لڑائی کی شدت میں کمی آئی ہے وہاں ورلڈ فوڈ پروگرام نے امدادی رسائی میں توسیع کی ہے۔
یورپی پارلیمنٹ نے ایک مجوزہ قرارداد منظور کرتے ہوئے خبردار کیا ہے کہ شہریوں کے خلاف بڑھتی ہوئی تشدد کی کارروائیاں، بھوک کو جنگ کے ہتھیار کے طور پر استعمال کرنا اور دیگر جرائم نسل کشی کے زمرے میں آ سکتے ہیں۔
یورپی پارلیمنٹ کی رپورٹ کے مطابق، قرارداد میں تشدد کے فوری خاتمے، انسانی امداد کی فراہمی کی ضمانت اور سوڈان کی خودمختاری و علاقائی سالمیت کا احترام کرنے کا مطالبہ کیا گیا ہے، جبکہ دارفور اور الفاشر کی صورتحال اب بھی شدید بحرانی ہے۔
