ہندوستان کے تھیتکی علاقے میں جناب فاطمہ زہرا سلام اللہ علیہا کی مظلومانہ شہادت کے موقع پر پانچ روزہ مجالسِ عزائے فاطمیہ کا انعقاد
ہندوستان کے تھیتکی علاقے میں جناب فاطمہ زہرا سلام اللہ علیہا کی مظلومانہ شہادت کے موقع پر پانچ روزہ مجالسِ عزائے فاطمیہ کا انعقاد
ہندوستان کے تھیتکی علاقے میں مرسل اعظم حضرت محمد مصطفیٰ کی اکلوتی بیٹی جناب فاطمہ زہرا سلام اللہ علیہا کی مظلومانہ شہادت کے موقع پر پانچ روزہ مجالسِ عزائے فاطمیہ کا انعقاد عمل میں آیا؛ ان مجالس میں مؤمنین نے کثیر تعداد میں شرکت کی۔
خمسہ مجالسِ عزائے فاطمیہ سے بالترتیب مولانا محمد عالم صاحب، مولانا تشخص مہدی صاحب، مولانا عمار حیدر صاحب لکھنؤ، مولانا غلام حسین رضوی صاحب ہلور اور مولانا شبیر علی وارثی صاحب کلکتہ نے خطاب کیا۔
مقررین نے بی بی فاطمہ زہراء سلام اللہ علیہا کی زندگی اور ان کی عظمت و جلالت پر روشنی ڈالی اور حاضرین سے نیک بننے، خود کو تعلیمات فاطمی سے آراستہ کرنے، آل رسول کا وفادار بننے اور ملک عزیز میں بھائی چارہ قائم رکھنے کی اپیل کی۔
مولانا سید محمد سعید نے افتتاحی کلمات میں اس پروگرام کی تاریخ اور اہمیت پر روشنی ڈالی اور ان مجالس میں حصہ لینے والوں کا شکریہ ادا کرتے ہوئے ان کے حق میں دعا کی نیز مرحومین کو یاد کرنے اور ملک میں امن وامان و بقائے باہمی قائم رکھنے پر زور دیا۔
حسب سابق امسال بھی بی بی فاطمہ زہراء سلام اللہ علیہا کی یاد میں بلڈ ڈونیشن کیمپ بھی لگایا گیا۔
بلڈ ڈونیشن کیمپ میں تیس سے زائد خواتین و حضرات نے بی بی کے نام پر خون کا عطیہ پیش کیا۔
اس موقع پر انجمن کے میڈیا انچارج حسن سعید نے بتایا کہ یہ پروگرام پچھلے پندرہ (۱۵) برسوں سے انجمن کے زیر اہتمام منعقد ہوتا چلا آ رہا ہے جس میں کافی تعداد میں مومنین شرکت کرتے ہیں۔
