تھائی لینڈ میں بارشوں نے تباہی مچا دی، 300 سال کا ریکارڈ ٹوٹ گیا، 19 افراد ہلاک
تھائی لینڈ میں بارشوں نے تباہی مچا دی، 300 سال کا ریکارڈ ٹوٹ گیا، 19 افراد ہلاک
تھائی لینڈ میں بارشوں کا 300 سال کا ریکارڈ ٹوٹ گیا، سیلابی صورتحال کے باعث 9 صوبے زیرِ آب آگئے، مختلف حادثات میں 19 افراد ہلاک ہوگئے۔
مقامی حکام کے مطابق تھائی لینڈ میں مختلف علاقوں میں 400 ملی میٹرسے زائد بارش ریکارڈ ہوئی جس سے بارشوں کا 300 سال کا ریکارڈ ٹوٹ گیا۔
گزشتہ ہفتے کے آخر سے جاری طوفانی بارشوں نے سیاحتی شہر ہاٹ یائی سمیت جنوبی علاقے کو ڈبو دیا ہے۔شہر میں مسلسل بارش سے 8 فٹ تک جمع ہوگیا۔
مسلسل بارش کی وجہ سے سیلابی صورتحال کے باعث 9 صوبے زیرِ آب آگئے اور ایک لاکھ 27 ہزار گھرانے متاثر ہو گئے۔
تھائی وزارتِ صحت کے مطابق کرنٹ لگنے اور دیگر حادثات میں 19 افراد ہلاک ہو چکے ہیں۔
تھائی حکومت نے منگل کو جنوبی صوبے Songkhlaمیں بھی ہنگامی حالت نافذ کر دی، کیونکہ محکمہ موسمیات نے اس ہفتے مزید بارش اور ممکنہ سیلاب کی پیشگوئی کی ہے۔
تھائی لینڈ میں عام طور پر جون سے ستمبر تک شدید بارشیں ہوتی ہیں، لیکن ماہرین کا کہنا ہے کہ موسمیاتی تبدیلی کی وجہ سے موسمی حالات غیر متوقع ہو گئے ہیں۔
واضح رہے کہ ملائیشیا اور ویتنام میں بھی بارشوں اور لینڈ سلائیڈنگ سے ہزاروں افراد متاثر ہوئے ہیں۔
