جو لوگ بعض دینی مسائل کو ناواقفیت یا غیر ارادی طور پر انکار کرتے ہیں، وہ مرتد شمار نہیں ہوتے: آیۃ اللہ العظمیٰ شیرازی
جو لوگ بعض دینی مسائل کو ناواقفیت یا غیر ارادی طور پر انکار کرتے ہیں، وہ مرتد شمار نہیں ہوتے: آیۃ اللہ العظمیٰ شیرازی
مرجع عالی قدر آیۃ اللہ العظمیٰ سید صادق حسینی شیرازی دام ظلہ کا روزانہ کا علمی جلسہ حسب دستور ہفتہ 23 جمادی الاول 1447 ہجری کو منعقد ہوا۔
جس میں گذشتہ جلسات کی طرح حاضرین کے مختلف فقہی سوالات کے جوابات دیے گئے۔
آیۃ اللہ العظمیٰ شیرازی نے اُن افراد کے بارے میں جو بعض دینی مسائل کو قبول نہیں کرتے، یا بعض امور کے بارے میں تردید کا اظہار کرتے ہیں، یا کبھی بعض دینی امور کا مذاق اُڑاتے ہیں، فرمایا: اگر یہ افراد شہادتین کا اقرار کرتے ہیں اور ضروریاتِ دین کے منکر نہیں ہیں، تو وہ مرتد شمار نہیں ہوتے۔
معظم لہ نے اُس شخص کے حکم کے بارے میں جو روزے کی وجوبیت یا کسی اور واجب کا منکر ہو، فرمایا: ایسے افراد مرتد نہیں کہلائیں گے۔ موضوع اور احکام کے اجرا کے ارتداد دونوں پہلوؤں میں ایسے موارد میں اشکال وارد ہوتا ہے؛ کیونکہ ارتداد کے دلائل اس قسم کے موارد پر منطبق نہیں ہوتے۔
انہوں نے مزید فرمایا: شرعی احکام، جن میں ارتداد بھی شامل ہے، کے اجرا کے لئے متعدد شرائط ہیں، جو عموماً مکمل نہیں ہوتیں۔ اسی لئے ارتداد کے احکام اکثر موارد میں شامل نہیں ہوتے اور اُن کے اجرا پر بھی اشکال پایا جاتا ہے۔
واضح رہے کہ مرجع عالی قدر آیۃ اللہ العظمیٰ سید صادق حسینی شیرازی دام ظلہ کے یہ روزانہ علمی نشستیں قبل از ظہر منعقد ہوتی ہیں، جنہیں براہ راست امام حسین علیہ السلام سیٹلائٹ چینل کے ذریعے یا فروکوئنسی 12073 پر دیکھا جا سکتا ہے۔
