بلوغ کے بعد واجبات کی ادائیگی لازم ہے، مگر اس سے پہلے انجام دینا باعثِ فضیلت ہے: آیۃ اللہ العظمیٰ شیرازی
بلوغ کے بعد واجبات کی ادائیگی لازم ہے، مگر اس سے پہلے انجام دینا باعثِ فضیلت ہے: آیۃ اللہ العظمیٰ شیرازی
مرجع عالی قدر آیۃ اللہ العظمیٰ سید صادق حسینی شیرازی دام ظلہ کا روزانہ کا علمی جلسہ حسب دستور پیر 18 جمادی الاول 1447 ہجری کو منعقد ہوا۔
جس میں گذشتہ جلسات کی طرح حاضرین کے مختلف فقہی سوالات کے جوابات دیے گئے۔
آیۃ اللہ العظمیٰ شیرازی نے شرعی ذمہ داریوں کے وقت کے بارے میں فرمایا: "شرعی فرائض، جیسے واجبات اور محرمات، انسان پر بلوغ کے بعد واجب ہوتے ہیں، مگر بلوغ سے پہلے ان کا انجام دینا لازم نہیں۔”
انہوں نے مزید فرمایا: "مستحبات کے انجام دینے کے لئے بلوغ شرط نہیں، انسان بلوغ سے پہلے بھی مستحبات انجام دے سکتا ہے۔”
معظملہ نے اس بات پر بھی تاکید فرمائی کہ: "اگر نماز پڑھنا یا روزہ رکھنا نابالغ کے لئے نقصان دہ نہ ہو، تو ان واجبات کو انجام دینا باعثِ فضیلت ہے۔”
واضح رہے کہ مرجع عالی قدر آیۃ اللہ العظمیٰ سید صادق حسینی شیرازی دام ظلہ کے یہ روزانہ علمی نشستیں قبل از ظہر منعقد ہوتی ہیں، جنہیں براہ راست امام حسین علیہ السلام سیٹلائٹ چینل کے ذریعے یا فروکوئنسی 12073 پر دیکھا جا سکتا ہے۔
