لندن کی جیل سے دو خطرناک قیدی غلطی سے رہا
لندن کی جیل سے دو خطرناک قیدی غلطی سے رہا
لندن کی جیل سے دو خطرناک قیدی غلطی سے رہا کردیئے گئے، جس کے بعد پولیس کی دوڑیں لگ گئیں اور کارروائی کا آغاز کردیا گیا۔
مقامی میڈیا کا اس حوالے سے کہنا ہے کہ الجزائر سے تعلق رکھنے والا 24 سالہ ابراہیم قدور شریف اور 35 سالہ ولیم اسمتھ لندن کی مشہور ایچ ایم پی ونزورتھ جیل سے بالترتیب 29 اکتوبر اور 3 نومبر کو غلطی سے رہا کیے گئے۔
اس سنگین غلطی کا ارتکاب اس وقت ہوا جب چند روز قبل ہی ایک اور جنسی جرائم میں ملوث قیدی ہڈش کیباٹو کو بھی غلطی سے رہا کر دیا گیا تھا۔
رپورٹس کے مطابق برطانوی وزیرِ انصاف ڈیوڈ لَمی ان متواتر واقعات کے بعد شدید تنقید کی زد میں آ گئے ہیں۔
ناقدین کا کہنا ہے کہ وزیر انصاف نے حال ہی میں وعدہ کیا تھا کہ لندن کی جیل میں سیکیورٹی نظام مزید سخت کیا جائے گا تاکہ ایسے واقعات دوبارہ پیش نہ آئیں، مگر صورت حال کچھ اور بنتی نظر آرہی ہے۔
وزیر انصاف کو پارلیمان میں کنزرویٹو پارٹی کے ارکان نے بھی شدید تنقید کا نشانہ بنایا، سرکاری اعداد و شمار کے مطابق مارچ 2025 تک 262 قیدیوں کو غلطی سے رہا کیا گیا، جو تعداد گزشتہ سال کے مقابلے میں 128 فیصد زیادہ ہے۔
