وہ نمازیں جو باپ نے عمداً نہیں پڑھیں، ان کی قضا نہ بڑے بیٹے پر واجب ہے نہ دوسری اولاد پر: آیۃ اللہ العظمیٰ شیرازی

وہ نمازیں جو باپ نے عمداً نہیں پڑھیں، ان کی قضا نہ بڑے بیٹے پر واجب ہے نہ دوسری اولاد پر: آیۃ اللہ العظمیٰ شیرازی

مرجع عالی قدر آیۃ اللہ العظمیٰ سید صادق حسینی شیرازی دام ظلہ کا روزانہ کا علمی جلسہ حسب دستور ہفتہ 2 جمادی الاول 1447 ہجری کو منعقد ہوا۔
جس میں گذشتہ جلسات کی طرح حاضرین کے مختلف فقہی سوالات کے جوابات دیے گئے۔

آیۃ اللہ العظمیٰ شیرازی نے اس مسئلہ کے بارے میں کہ بڑے بیٹے پر ان نمازوں کی قضا کا کیا حکم ہے جو باپ نے عمداً نہیں پڑھیں اور نہ ہی ان کی قضا کی، فرمایا:
یہ مسئلہ کتاب عروة الوثقی میں ذکر ہوا ہے اور بعض فقہاء نے ان موارد پر حاشیہ لکھا ہے جن میں ان کی رائے صاحبِ عروة الوثقی سے مختلف ہے، مگر عام طور پر اکثر فقہاء نے یہ کہا ہے اور میرا نظریہ بھی یہی ہے کہ "وہ نمازیں جو باپ نے جان بوجھ کر نہیں پڑھیں یا عمداً ان کی قضا نہیں کیں، ان کی قضا نہ بڑے بیٹے پر واجب ہے اور نہ دیگر اولاد پر واجب ہے۔” البتہ وہ نمازیں جن کے ترک کرنے میں باپ معذور تھا (یعنی کسی شرعی عذر کی بنا پر ادا نہ کرسکا)، ان کی قضا بڑے بیٹے پر واجب ہے۔

واضح رہے کہ مرجع عالی قدر آیۃ اللہ العظمیٰ سید صادق حسینی شیرازی دام ظلہ کے یہ روزانہ علمی نشستیں قبل از ظہر منعقد ہوتی ہیں، جنہیں براہ راست امام حسین علیہ السلام سیٹلائٹ چینل کے ذریعے یا فروکوئنسی 12073 پر دیکھا جا سکتا ہے۔