زیارتِ عاشورا حدیثِ قدسی ہے جو سب سے پہلے امام محمد باقر علیہ السلام سے نقل ہوئی ہے: آیۃ اللہ العظمیٰ شیرازی

زیارتِ عاشورا حدیثِ قدسی ہے جو سب سے پہلے امام محمد باقر علیہ السلام سے نقل ہوئی ہے: آیۃ اللہ العظمیٰ شیرازی

مرجع عالی قدر آیۃ اللہ العظمیٰ سید صادق حسینی شیرازی دام ظلہ کا روزانہ کا علمی جلسہ حسب دستور جمعرات 23 ربیع الثانی 1447 ہجری کو منعقد ہوا۔

جس میں گذشتہ جلسات کی طرح حاضرین کے مختلف فقہی سوالات کے جوابات دیے گئے۔

آیۃ اللہ العظمیٰ شیرازی نے زیارتِ عاشورا کے پہلے ماخذ اور منبع کے بارے میں فرمایا: "زیارتِ عاشورا ایک حدیثِ قدسی ہے جو بطورِ روایت سب سے پہلے امام محمد باقر علیہ السلام سے نقل ہوئی ہے۔”

انہوں نے مزید فرمایا: "احادیثِ قدسی ائمۂ اطہار علیہم السلام سے منقول ہیں اور زیارتِ عاشورا ان میں سے ایک مثال ہے۔”

معظم لہ نے تاکید فرمائی: "حدیثِ قدسی سے مراد وہ کلام ہے جو اللہ عزوجل سے منقول ہو، مگر قرآن کا حصہ نہ ہو۔”

واضح رہے کہ مرجع عالی قدر آیۃ اللہ العظمیٰ سید صادق حسینی شیرازی دام ظلہ کے یہ روزانہ علمی نشستیں قبل از ظہر منعقد ہوتی ہیں، جنہیں براہ راست امام حسین علیہ السلام سیٹلائٹ چینل کے ذریعے یا فروکوئنسی 12073 پر دیکھا جا سکتا ہے۔