عراق کے قبیلہ حِمْیَر کے سردار کی آیۃ اللہ العظمیٰ شیرازی سے قم میں ملاقات

عراق کے بڑے قبیلے حِمْیَر کے سردار، شیخ عبد علی عبد الخالق حِمْیَری نے مرجعِ عالی قدر آیۃ اللہ العظمیٰ سید صادق حسینی شیرازی سے مقدس شہر قم میں ملاقات کی۔

اس ملاقات میں شیخ حِمْیَری نے عراق کی سماجی صورتحال اور قبائل کی سرگرمیوں کی رپورٹ پیش کی اور علمائے کرام اور مرجعیت کے کردار کو اتحاد کے فروغ اور دینی اقدار کی حفاظت میں نہایت اہم قرار دیا۔

آیۃ اللہ العظمیٰ شیرازی نے بھی عراق کے عوام کی کامیابی اور عزت کے لئے دعا فرمائی اور معاشرے کے مختلف طبقات میں اہل بیت علیہم السلام کی ثقافت کو عام کرنے کی اہمیت پر زور دیا۔