ایران اور عراق کا شلمچہ میں مشترکہ سرحدی منڈی قائم کرنے کا معاہدہ

ایران اور عراق کا شلمچہ میں مشترکہ سرحدی منڈی قائم کرنے کا معاہدہ

ایران اور عراق نے شلمچہ کے علاقے میں مشترکہ سرحدی منڈی (Border Market) قائم کرنے کے لیے ایک مفاہمتی یادداشت پر دستخط کیے ہیں، جس کا مقصد دو طرفہ تجارت میں اضافہ اور اقتصادی تعاون کو فروغ دینا ہے۔

یہ معاہدہ بصرہ صوبائی کونسل، جنرل اتھارٹی فار فری زونز (عراق)، اور ایران کے اروند فری زون (خوزستان) کے درمیان طے پایا۔

منصوبے کے تحت کارگو کی نقل و حرکت کو آسان بنانے، الیکٹرانک نظام کے نفاذ، کام کے اوقات میں ہم آہنگی اور 24 گھنٹے بارڈر کھلا رکھنے کے اقدامات شامل ہیں۔
بصرہ کونسل کے سربراہ محمد کاظم نے اسے دو طرفہ تجارت کے فروغ اور نئی روزگار کے مواقع پیدا کرنے کی جانب اہم قدم قرار دیا۔
انہوں نے یہ بھی کہا کہ شلمچہ-بصرہ ریلوے کی تکمیل اس منصوبے کو مزید مضبوط بنائے گی۔