مرجع اعلیٰ آیت اللہ العظمیٰ سید صادق الحسینی شیرازی کے بعثہ كا مدینہ منورہ میں مذہبی و ثقافتی مشن جاری

مرجع اعلیٰ آیت اللہ العظمیٰ سید صادق الحسینی شیرازی کے بعثہ كا مدینہ منورہ میں مذہبی و ثقافتی مشن جاری

مدینہ منورہ میں حج کے بابرکت موسم 1446ھ کے دوران، مرجع اعلیٰ آیت اللہ العظمیٰ سید صادق الحسینی شیرازی کا دینی بعثہ اپنی سرگرمیاں بھرپور انداز میں جاری رکھے ہوئے ہے۔ ان سرگرمیوں کا مقصد حجاج بیت اللہ الحرام کو مذہبی اور ثقافتی خدمات فراہم کرنا اور مختلف دینی بعثات کے ساتھ تعاون کو فروغ دینا ہے۔
اسی سلسلے میں بعثہ کے وفد نے مختلف مراجع تقلید کی بعثات کا دورہ کیا، جن میں آیت اللہ العظمیٰ سید علی الحسینی سیستانی کی بعثہ بھی شامل تھا۔ وفد نے حجۃ الاسلام والمسلمین سید جواد الشہرستانی اور بعثہ کے دیگر اراکین سے ملاقات کی، جس میں حجاج کی خدمت کے لیے باہمی تعاون اور مشترکہ کوششوں پر بات چیت ہوئی۔
اس کے علاوہ، وفد نے آیت اللہ العظمیٰ شیخ بشیر النجفی، آیت اللہ العظمیٰ سید محمد تقی المدرسی، اور آیت اللہ العظمیٰ شیخ شمس الدین الواعظی کی بعثات کا بھی دورہ کیا۔ ان ملاقاتوں میں حج سے متعلق مذہبی و ثقافتی خدمات، اور مراجع تقلید کی بعثات کے درمیان رابطے کو فروغ دینے پر تبادلہ خیال کیا گیا۔
بعثہ شیرازی کے اراکین نے مدینہ منورہ میں موجود متعدد عراقی قافلوں سے بھی ملاقات کی، انہیں مرجعیت کی جانب سے دعائیں اور نیک تمنائیں پہنچائیں، اور روحانی و اخلاقی ہدایات سے نوازا تاکہ وہ ان مقدس لمحات سے زیادہ سے زیادہ فیض یاب ہو سکیں۔ ان ملاقاتوں کے دوران اہل بیتؑ کی یاد میں مجالس عزا کا بھی انعقاد کیا گیا۔
مرجعیتِ شیرازی کی یہ بعثہ روزانہ تعلیمی و ثقافتی پروگرامز کے ذریعے حجاج کو دینی شعور، اخوت اور اسلامی اتحاد کا پیغام دیتی ہے۔