نجف اشرف میں مرکز مطالعات کی حمایت سے پیشہ ورانہ خبر نویسی کی تربیتی کورس کا آغاز

مرکز مطالعات نجف اشرف (NCSS)، جو آیت اللہ العظمی سید صادق حسینی شیرازی دام ظلہ  کے دفتر سے منسلک مرکز ہے، کی حمایت سے "عنوان سے گہرائی تک: خبر نویسی اور تحقیقی رپورٹنگ کا فن” کے عنوان سے خصوصی کورس کا آغاز ہوا۔

یہ کورس عراقی صحافیوں اور میڈیا کے پیشہ ور افراد کی اتحادی تنظیم – نجف اشرف شاخ کے تعاون سے، صوبہ کے نوجوان صحافیوں اور میڈیا کے فعال افراد کی پیشہ ورانہ سطح کو بلند کرنے کے مقصد سے منعقد کیا جارہا ہے۔

اس تربیتی پروگرام میں، خبروں کی اصول، سرخی لگانے کی تکنیکیں، میدان میں تحقیق کے طریقے، ذرائع کی تصدیق کے اصول، اور تجزیاتی اور تحقیقی رپورٹنگ کی تحریر کے موضوعات کی تعلیم دی جارہی ہے۔

منظمین نے اس کورس کا مقصد نوآموز صحافیوں کی طاقت بڑھانا اور انھیں پیشہ ورانہ اور میڈیا اخلاقیات کی قدروں سے آگاہ کرنا قرار دیا ہے۔