پہلے مسلم امریکی سینیٹر عبدل السید قرآن پر حلف اٹھائیں گے

امریکی ریاست مشی گن سے منتخب ڈیموکریٹ سینیٹر عبدل السید نے اعلان کیا ہے کہ وہ جنوری میں اپنے عہدے کا حلف قرآن مجید پر اٹھائیں گے۔ وہ امریکی سینیٹ کے پہلے مسلم رکن ہوں گے اور کسی امریکی سینیٹر کی جانب سے قرآن پر حلف اٹھانے کا یہ پہلا واقعہ ہوگا۔ انہوں نے حالیہ انتخاب میں ریپبلکن امیدوار مائیک راجرز کو شکست دی تھی۔

ان کے مطابق ابھی یہ طے نہیں ہوا کہ کون سا نسخہ استعمال ہوگا۔ سابق صدر تھامس جیفرسن کا ذاتی نسخہ اور یونیورسٹی آف مشی گن میں موجود قرآن زیر غور ہیں۔ واضح رہے کہ 2007 میں کیتھ ایلیسن نے ایوانِ نمائندگان میں جیفرسن کے نسخے پر حلف لیا تھا۔ السید 3 جنوری 2027 کو عہدہ سنبھالیں گے اور نائب صدر جے ڈی وینس انہیں حلف دلائیں گے۔