افغانستان میں عزاِ فاطمیہ کی مجالس، مزارِ شریف میں ضرورت مندوں میں گوشت تقسیم

عزا فاطمیہ کی مناسبت سے افغانستان کے مختلف شہروں میں مرجعِ عالی قدر آیت اللہ العظمیٰ سید صادق حسینی شیرازی دام ظلہ کے دفاتر سے وابستہ مراکز میں مجالسِ عزا کا انعقاد ہوا اور فلاحی سرگرمیاں بھی جاری رہیں۔
بامیان میں علماء، مراجعِ عظام کے نمائندوں، طلابِ حوزہ، شورائے علماء کے ارکان اور اہلبیت علیہم السلام کے عقیدت مندوں کی بڑی تعداد نے مجالس میں شرکت کی۔
مجالس میں نمازِ جماعت ادا کی گئی اور حجۃ الاسلام نصراللہ بلاغی، غلام رضا حسینی، سید نصراللہ واعظی (مدیر دفترِ مرجعیت و صدر شورائے علمائے شیعہ بامیان) اور نعمت اللہ بیانی نے خطاب کیا۔
مقررین نے حضرت فاطمہ زہراؑ کے بلند مقام، فضائل، شفاعت، تربیتی تعلیمات اور سیرتِ طیبہ سے درس لینے پر روشنی ڈالی۔
ادھر مزارِ شریف میں دفترِ مرجعیت نے مؤسسہ خیریہ ثقافتی المصطفیٰ صلی اللہ علیہ وآلہ کے اشتراک سے ایک گوسفند ذبح کر کے اس کا گوشت ضرورت مند خاندانوں میں تقسیم کیا۔