انسان اپنے اختیار سے سعید یا شقی بنتا ہے، علمِ الٰہی اس میں جبر کا سبب نہیں : آیت اللہ العظمیٰ شیرازی

انسان اپنے اختیار سے سعید یا شقی بنتا ہے، علمِ الٰہی اس میں جبر کا سبب نہیں : آیت اللہ العظمیٰ شیرازی
 
آیت اللہ العظمیٰ سید صادق حسینی شیرازی کی روزانہ علمی نشست پیر، سات جمادی الاول ۱۴۴۸ھ کو منعقد ہوئی۔
اس نشست میں بھی، گزشتہ نشستوں کی طرح، معظم لہ نے حاضرین کے مختلف فقہی مسائل سے متعلق سوالوں کے جواب ارشاد فرمائے۔
آیت اللہ العظمیٰ شیرازی نے رسولِ خدا صلی اللہ علیہ و آلہ کی اس روایت کی طرف اشارہ کرتے ہوئے: «السَّعِيدُ سَعِيدٌ فِي بَطْنِ أُمِّهِ، وَالشَّقِيُّ شَقِيٌّ فِي بَطْنِ أُمِّهِ»، یعنی خوش نصیب وہ ہے جو ماں کے رحم میں خوش نصیب ہو چکا ہو اور بدنصیب وہ ہے جو ماں کے رحم میں بدنصیب ہو چکا ہو، فرمایا: اس روایت کا یہ مطلب نہیں کہ انسان بغیر اختیار کے سعید یا شقی ہو جاتا ہے، بلکہ مطلب یہ ہے کہ خدائے متعال یا معصومین علیہم السلام اپنے علم کی بنا پر جانتے ہیں کہ فلاں بندہ اپنے اختیار سے عقل اور پسندیدہ اعمال کی طرف جاتا ہے اور انجامِ کار سعید ہو جاتا ہے، یا اپنے اختیار سے شیطان کی طرف جا کر ناپسندیدہ کاموں اور گناہوں کے ارتکاب کے ذریعے آخرکار شقی ہو جاتا ہے۔