مزار شریف میں پینے کے پانی کے تین کنوؤں کا افتتاح؛ دفتر مرجعیت کے فیلڈ دورے
مرجع عالی قدر آیۃ اللہ العظمیٰ سید صادق حسینی شیرازی دام ظلہ کے مزار شریف دفتر کی جانب سے سال 2026 میں جاری عمرانی اور فلاحی سرگرمیوں کے تحت مختلف علاقوں میں پینے کے صاف پانی کی فراہمی کے لئے تین کنوؤں کو عوام کے لیے کھول دیا گیا۔
تفصیلات کے مطابق المصطفیٰ ثقافتی و فلاحی ادارے کے تعاون سے 62 واں کنواں ولایت بلخ کے علاقے علی آباد میں واقع مسجد امام حسن مجتبیٰ علیہ السلام میں تعمیر کرکے فعال کیا گیا۔ اس منصوبے کا مقصد علاقہ کے رہائشیوں کو صاف اور صحت بخش پانی کی سہولت فراہم کرنا ہے۔
اسی سلسلہ میں 63 واں کنواں ضلع شولگرہ کے علاقہ تاجداران میں واقع مسجد حضرت رسول اکرم صلی اللہ علیہ وآلہ میں، جبکہ 64 واں کنواں اسی ضلع کے علاقہ سری آسیاب میں مسجد حضرت خدیجہ سلام اللہ علیہا میں تعمیر کرکے افتتاح کیا گیا۔ ان منصوبوں کا مقصد مقامی آبادی کی صاف پانی تک رسائی کو آسان بنانا بتایا گیا ہے۔
دوسری جانب، دفتر مرجعیت کے نمائندہ سید محمد مرتضوی نے سری آسیاب میں مسجد حضرت خدیجہ سلام اللہ علیہا کا فیلڈ دورہ کیا، جہاں انہوں نے امام جماعت، مقامی علماء اور معتبرین سے ملاقات کی۔ اس موقع پر علاقہ کی مذہبی و ثقافتی سرگرمیوں اور مسجد کی موجودہ صورتِ حال سے متعلق امور پر گفتگو ہوئی۔
سید محمد مرتضوی نے ضلع شولگرہ کے علاقہ زوارا میں مسجد حضرت محمد صلی اللہ علیہ وآلہ کے امام جماعت اور مقامی بزرگوں و معتبرین سے بھی ملاقات کی۔ ملاقات میں مسجد کی دینی و ثقافتی سرگرمیوں کا جائزہ لینے اور مذہبی روابط کو مزید مضبوط بنانے سے متعلق امور پر تبادلۂ خیال کیا گیا۔
