اماراتی حکام کا معاشی بحران کا اعتراف
علاقائی فوجی کشیدگی اور تنازعات کے تسلسل نے متحدہ عرب امارات کی معیشت کے بنیادی شعبوں، بالخصوص دبئی کی سیاحت کی صنعت کو شدید مشکلات سے دوچار کر دیا ہے۔
پروازوں کی بڑے پیمانے پر منسوخی، تفریحی اسفار میں کمی اور خطہ کی سلامتی کے حوالے سے بے اعتمادی نے اس امارت کے منافع بخش ماحول کو کمزور کر دیا ہے۔
خبر رساں ادارہ رائٹرز کے مطابق، اماراتی وزیرِ معیشت و سیاحت عبداللہ بن طوق المری نے سیاحوں کی تعداد میں نمایاں کمی کا صریحاً اعتراف کیا ہے۔
دبئی کے محکمہ معیشت و سیاحت کے اعداد و شمار کے مطابق، سال 2026 کے پہلے آٹھ ماہ کے دوران بین الاقوامی سیاحوں کی آمد گزشتہ سال کی اسی مدت کے مقابلے میں 44 فیصد کمی کے ساتھ 6.97 ملین رہ گئی ہے۔
رائٹرز نے یہ بھی بتایا ہے کہ بعض سفری ریزرویشنز میں 80 فیصد تک منسوخی ہوئی ہے اور دبئی انٹرنیشنل ایئرپورٹ پر مسافروں کی آمد و رفت میں 31.3 فیصد کمی واقع ہوئی ہے۔
اماراتی حکام پر امید ہیں کہ مالیاتی رعایتوں اور موسم خزاں میں موسمی تبدیلیوں کے ذریعہ اس شدید مندی کا کسی حد تک ازالہ کیا جا سکے گا۔
