اسکاٹ لینڈ کے میڈلوتھیان علاقہ میں مسلمانوں کے لئے پہلے مخصوص قبرستان کے قیام کا جائزہ؛ تدفین کی جگہ کی قلت دور کرنے اور اسلامی احکام پر عمل میں سہولت کی جانب اہم قدم
اسکاٹ لینڈ کے میڈلوتھیان علاقہ میں مسلمانوں کے لئے پہلے مخصوص قبرستان کے قیام کا جائزہ؛ تدفین کی جگہ کی قلت دور کرنے اور اسلامی احکام پر عمل میں سہولت کی جانب اہم قدم
اسکاٹ لینڈ میں مسلمانوں کی بڑھتی ہوئی آبادی اور تدفین کے لئے مناسب جگہ کی کمی کے مسائل نے اسلامی احکام کے مطابق مخصوص قبرستانوں کے قیام کی ضرورت کو مزید نمایاں کر دیا ہے۔
اسی سلسلہ میں اسکاٹ لینڈ کے میڈلوتھیان ریجن کی کونسل جلد ہی ڈلکیت کے قریب مسلمانوں کے لئے ایک مخصوص قبرستان قائم کرنے کی تجویز کا باضابطہ جائزہ لے گی۔
بی بی سی کی رپورٹ کے مطابق یہ منصوبہ ’’وفا‘‘ نامی ایک فلاحی ادارہ کی جانب سے پیش کیا گیا ہے، جس کے تحت آئندہ ایک سو برس کے دوران تقریباً 2,000 قبروں کی گنجائش رکھنے والا قبرستان تعمیر کیا جائے گا۔
اس منصوبہ کی تکمیل سے مسلمان خاندانوں کو اپنے مرحومین کی تجہیز و تکفین اور تدفین کے مراحل اسلامی روایات کے مطابق اور کم سے کم وقت میں انجام دینے میں سہولت حاصل ہوگی۔
منصوبے میں غسلِ میت، میت کو محفوظ رکھنے کے لئے سردخانے اور نمازِ میت کی ادائیگی کے لئے دو خصوصی سروس عمارتوں کی تعمیر بھی شامل ہے۔
اس طرح یہ منصوبہ گزشتہ چند برسوں کے دوران ایڈنبرگ اور اس کے گردونواح میں مسلمانوں کو درپیش مناسب تدفین کی جگہ کے حصول کے مسائل کو حل کرنے میں اہم کردار ادا کر سکتا ہے۔
