زیارتِ اربعین ترک کرنا ایمان میں نقص کی علامت: آیۃ اللہ العظمیٰ شیرازی

بغیر کسی شرعی عذر کے زیارتِ اربعین ترک کرنا ایمان میں نقص کی علامت ہے: آیۃ اللہ العظمیٰ شیرازی

مرجع عالی قدر آیۃ اللہ العظمیٰ سید صادق حسینی شیرازی کے روزانہ علمی درس کا اجلاس بدھ، 14 صفر 1448ھ کو منعقد ہوا۔

اس نشست میں گزشتہ جلسوں کی طرح مختلف فقہی مسائل کے بارے میں حاضرین کے سوالات کے جوابات دیے گئے۔

زیارتِ اربعین کی اہمیت پر گفتگو کرتے ہوئے آیۃ اللہ العظمیٰ شیرازی نے فرمایا: "امام حسن عسکری علیہ السلام نے فرمایا ہے کہ زیارتِ اربعین مومن کی نشانیوں میں سے ایک ہے۔”

معظم لہ نے مزید فرمایا: "اس کا مطلب یہ ہے کہ اگر کسی شخص کو زیارتِ اربعینِ امام حسین علیہ السلام کی سعادت حاصل کرنے کی استطاعت ہو، لیکن وہ کسی معقول اور شرعی عذر کے بغیر زیارت پر نہ جائے، تو یہ اس کے ایمان میں نقص کی علامت ہے۔”