اربعین کے موقع پر ایرانی زائرین کی میزبانی کے لئے کربلا کا سب سے بڑا زائر شہر مکمل طور پر تیار
اربعین کے موقع پر ایرانی زائرین کی میزبانی کے لئے کربلا کا سب سے بڑا زائر شہر مکمل طور پر تیار
شہرِ مقدس کربلا میں واقع شہرِ زائر "تعلیب”، جو کربلا کا سب سے بڑا زیارتی و رہائشی کمپلیکس شمار ہوتا ہے، نے اربعینِ حسینی کے موقع پر ایرانی زائرین کی میزبانی کے لئے اپنی مکمل تیاری کا اعلان کر دیا ہے۔
خبر رساں ادارہ ایمنا کے مطابق، اس عظیم زائر شہر میں تقریباً ایک لاکھ زائرین کے قیام کی گنجائش موجود ہے۔
اس وسیع و عریض کمپلیکس کو خصوصی طور پر ایرانی زائرین کی خدمت کے لئے جدید سہولیات سے آراستہ کیا گیا ہے۔
زائرین کی سہولت کے پیشِ نظر یہاں رہائش، طبی امداد، حفظانِ صحت اور معیاری غذائی خدمات چوبیس گھنٹے فراہم کی جائیں گی، تاکہ زائرین کو دورانِ قیام ایک پُرسکون، محفوظ اور آرام دہ ماحول میسر آ سکے۔
علاوہ ازیں، روضۂ مبارک حضرت امام حسین علیہ السلام اور روضۂ حضرت ابوالفضل العباس علیہ السلام تک زائرین کی آسان آمد و رفت کے لئے مفت ٹرانسپورٹ سروس کا بھی انتظام کیا گیا ہے۔ یہ سروس زائر شہر سے دونوں مقدس روضوں تک مسلسل جاری رہے گی اور اربعین کے تمام ایام میں بلا تعطل زائرین کی خدمت انجام دے گی۔
