افغانستان
شمالی افغانستان میں شورِ حسینی کی تجلی؛ سمنگان کے درۂ صوف میں محرم الحرام کی عزاداری کا انعقاد
شمالی افغانستان میں شورِ حسینی کی تجلی؛ سمنگان کے درۂ صوف میں محرم الحرام کی عزاداری کا انعقاد
افغانستان کے شمالی صوبہ سمنگان میں اہلِ بیت علیہم السلام کے دلدادہ شیعہ مؤمنین نے ماہِ محرم الحرام کی مناسبت سے ضلع درۂ صوف بالا میں واقع تاریخی تکیہ خانہ "تحتِ جوی” میں مجالسِ عزا اور سوگواری کی تقریبات کا اہتمام کیا۔
اس روح پرور اور معنوی اجتماع میں، جو سیکیورٹی اور ماحولیاتی چیلنجز کے باوجود نہایت عقیدت و احترام کے ساتھ منعقد ہوا، عزادارانِ حسینیؑ نے مجالسِ مرثیہ و مداحی، سینہ زنی اور شہدائے کربلا کے مصائب پر مشتمل مذہبی خطابات کے ذریعے حضرت امام حسینؑ اور آپؑ کے وفادار اصحاب کو بھرپور خراجِ عقیدت پیش کیا۔
عزاداروں نے اپنے پرجوش اور وسیع اجتماع کے ذریعہ تحریک عاشورا اور مکتبِ سرخِ حسینیؑ سے اپنی گہری، پائیدار اور اٹوٹ وابستگی کا اظہار کیا۔
