جنوب مشرقی ایشیا میں عیدِ سعید غدیرِ خم کی شاندار تقریبات؛ کمبوڈیا میں پرچم ’’علی ولی اللہ‘‘ بلند کرنا
جنوب مشرقی ایشیا میں عیدِ سعید غدیرِ خم کی شاندار تقریبات؛ کمبوڈیا میں پرچم ’’علی ولی اللہ‘‘ بلند کرنا
عیدِ سعید غدیرِ خم کی مناسبت سے ملک کمبوڈیا میں خصوصی مذہبی تقریبات کا انعقاد کیا گیا۔
ان روحانی محافل میں شیعیانِ اہلِ بیت علیہم السلام اور خاندانِ عصمت و طہارتؑ کے عقیدت مندوں نے بھرپور شرکت کی اور اس عظیم اسلامی عید کو عقیدت و احترام کے ساتھ منایا۔
اس موقع پر مؤسسۂ قائم آل محمد عجل اللہ فرجہ الشریف میں منعقدہ ایک معنوی تقریب کے دوران شرکاء نے اہلِ بیت علیہم السلام سے اپنی محبت، وفاداری اور تجدیدِ عہد کے اظہار کے طور پر متبرک پرچم "علی ولی اللہ” کو بلند کیا۔
یہ پروگرام عالمی مہم "امام حسین علیہ السلام سب کے لئے” کے تعاون اور اشتراک سے منعقد کیا گیا، جس میں مختلف دینی، تعلیمی اور تربیتی سرگرمیوں کا اہتمام کیا گیا۔
ان سرگرمیوں کا بنیادی مقصد کمبوڈیا کے مقامی معاشرے کو واقعۂ عظیم غدیرِ خم کی تاریخی اور معنوی اہمیت سے روشناس کرانا اور اس کے روحانی، اخلاقی اور انسانی پیغامات کو عام کرنا تھا، تاکہ زیادہ سے زیادہ افراد اس عظیم اسلامی واقعہ اور اہلِ بیت علیہم السلام کی تعلیمات سے آگاہ ہو سکیں۔
