ہرات میں خواتین کی گرفتاریاں؛ چادر اور برقع کے طالبان احکامات پر عمل نہ کرنے کا الزام

ہرات میں خواتین کی گرفتاریاں؛ چادر اور برقع کے طالبان احکامات پر عمل نہ کرنے کا الزام

مقامی ذرائع کے مطابق ہرات میں متعدد خواتین اور لڑکیوں کو طالبان کی جانب سے مقرر کردہ چادر یا برقع استعمال نہ کرنے کے الزام میں گرفتار کیا گیا ہے۔

روزنامہ "8 صبح” کی رپورٹ کے مطابق یہ گرفتاریاں شہر کے بازاروں، جادۂ لیلامی اور دیگر مصروف تجارتی مراکز میں کی گئی ہیں۔

شہر بھر میں طالبان کے امر بالمعروف اہلکاروں کی موجودگی میں اضافہ دیکھنے میں آیا ہے، جس کے باعث عمومی فضا متاثر ہوئی ہے۔

اس کارروائی نے ہرات کے خاندانوں میں تشویش اور خوف کی فضا پیدا کر دی ہے۔

مقامی ذرائع کا کہنا ہے کہ گرفتار کی جانے والی بعض خواتین کو نامعلوم مقامات پر منتقل کیا گیا ہے۔

مبصرین کے مطابق نئی پابندیوں نے خواتین پر سماجی دباؤ میں مزید اضافہ کر دیا ہے۔