اقوامِ متحدہ: لبنان میں غذائی عدم تحفظ میں اضافہ، آبادی کا ایک چوتھائی شدید بحران کا شکار

اقوامِ متحدہ: لبنان میں غذائی عدم تحفظ میں اضافہ، آبادی کا ایک چوتھائی شدید بحران کا شکار

اقوامِ متحدہ نے اعلان کیا ہے کہ لبنان میں غذائی بحران خطرناک حد تک بڑھ چکا ہے اور ملک کی بڑی آبادی کو خوراک کی شدید کمی کا سامنا ہے۔

یہ صورتحال بڑھتے ہوئے معاشی مسائل اور اندرونی منڈیوں کی کمزور ہوتی ہوئی صلاحیت کے باعث پیدا ہوئی ہے۔

الجزیرہ کی رپورٹ کے مطابق، اقوامِ متحدہ کے عالمی پروگرام برائے خوراک (WFP) کے حوالے سے بتایا گیا ہے کہ اپریل سے اگست 2026 کے دوران تقریباً 12 لاکھ 40 ہزار افراد شدید غذائی عدم تحفظ کا شکار ہوں گے، جو لبنان کی مجموعی آبادی کا تقریباً ایک چوتھائی حصہ بنتا ہے۔

رپورٹ میں کہا گیا ہے کہ خوراک اور ایندھن کی قیمتوں میں اضافہ، سپلائی چین میں خلل، اور آبادی کی بڑے پیمانے پر نقل مکانی اس بحران کی بنیادی وجوہات ہیں۔

یہ بھی واضح کیا گیا ہے کہ بہت سے خاندان اپنی بنیادی ضروریات پوری کرنے کی صلاحیت کھو چکے ہیں اور انسانی امداد پر انحصار بڑھتا جا رہا ہے۔

ماہرین نے خبردار کیا ہے کہ اگر موجودہ حالات برقرار رہے تو لبنان میں انسانی اور معاشی دباؤ مزید سنگین اور وسیع شکل اختیار