سری لنکا نے سیاحت کے فروغ کے لئے ایک نئے اقدام کے تحت 40 سے زائد ممالک کے شہریوں کے لئے ویزا فیس ختم کر دی ہے اور 30 دن تک مختصر قیام کو بغیر کسی فیس کے ممکن بنا دیا ہے۔
اس اقدام سے ملک کی سیاحتی صنعت کو مزید تقویت ملنے کی توقع ہے۔
یورونیوز فارسی کی رپورٹ کے مطابق، یہ فیصلہ 25 مئی سے نافذ العمل ہو چکا ہے اور اس کا مقصد “بحرِ ہند کے موتی” کہلانے والے سری لنکا میں غیر ملکی سیاحوں کی آمد میں اضافہ کرنا ہے۔
قدرتی حسن اور عالمی ثقافتی ورثے کی بدولت یہ ملک ایشیا کے اہم سیاحتی مقامات میں شمار ہوتا ہے۔
