ورلڈ بینک کے صدر اجے بانگا نے خبردار کیا ہے کہ مشرقِ وسطیٰ میں جاری جنگ عالمی اقتصادی ترقی کی رفتار کو سست کر دے گی اور ترقی پذیر ممالک میں مہنگائی میں اضافہ ہوگا۔
خبر رساں ایجنسی "رائٹرز” کے مطابق، ورلڈ بینک کے سربراہ نے کہا کہ حتیٰ کہ اگر جنگ بندی ہو بھی جائے تو اس جنگ کے معاشی اثرات برقرار رہیں گے، جبکہ اگر تنازع جاری رہا تو صورتحال مزید خراب ہو سکتی ہے۔
رپورٹ میں مزید کہا گیا ہے کہ توانائی کی قیمتوں میں اضافہ ہو چکا ہے اور ترقی پذیر ممالک کی اقتصادی شرحِ نمو میں کمی آئے گی۔
