جنگ سے ایران کی شہری ہوا بازی صنعت کو بھاری نقصان

جنگ سے ایران کی شہری ہوا بازی صنعت کو بھاری نقصان

رپورٹس کے مطابق حالیہ جنگ کے دوران ایران کی غیر فوجی (شہری) ہوا بازی کی صنعت کو شدید نقصان پہنچا ہے اور ملک کے مسافر طیاروں کا ایک بڑا حصہ متاثر ہوا ہے۔

اس صورتحال کے باعث فضائی کمپنیوں کی سرگرمیوں میں خلل پیدا ہوا ہے اور معاشی اثرات کے حوالے سے تشویش بڑھ گئی ہے۔

خبر رساں ایجنسی ایلنا کے مطابق مسافر طیارے فوجی طیاروں کے مقابلے میں زیادہ متاثر ہوئے ہیں، جبکہ ماہان، ایران ایئر اور زاگرس ایئر لائنز کو سب سے زیادہ نقصان اٹھانا پڑا ہے۔

ایلنا نے مزید بتایا کہ تقریباً 20 طیارے تباہ ہو چکے ہیں جبکہ 40 دیگر کو نقصان پہنچا ہے، اور یومیہ خسارہ 700 ارب تومان سے زائد بتایا گیا ہے۔