مشرقِ وسطیٰ جنگ کی مخالفت کے باعث اسپین کی سوشلسٹ پارٹی کی مقبولیت میں اضافہ
مشرقِ وسطیٰ جنگ کی مخالفت کے باعث اسپین کی سوشلسٹ پارٹی کی مقبولیت میں اضافہ
اسپین میں حالیہ سرویز سے ظاہر ہوتا ہے کہ وزیرِاعظم پیڈرو سانچز کی جانب سے مشرقِ وسطیٰ کی جنگ کی سخت مخالفت نے عوامی سطح پر سوشلسٹ پارٹی کی پوزیشن کو مضبوط کیا ہے۔
ان سرویز کے مطابق سوشلسٹ پارٹی کی مقبولیت بڑھ کر 27.7 فیصد تک پہنچ گئی ہے اور اس کا فرق قدامت پسند جماعت پیپلز پارٹی کے ساتھ کم ہو گیا ہے۔
ادارہ سیگما دوس اور اخبار ایل موندو کی رپورٹ کے مطابق انتہائی دائیں بازو کی جماعت ووکس، جس نے جنگ کی حمایت کی تھی، اپنی مقبولیت کھو کر 17.1 فیصد تک آ گئی ہے۔
اسی طرح سرکاری ادارے سی آئی ایس نے بتایا کہ اسپین کے 85 فیصد عوام اس جنگ کے خلاف ہیں اور حکومتی پالیسیوں کی تائید کرتے ہیں۔
اخبار "الاخبار” کے مطابق وزیرِاعظم پیڈرو سانچز کی مقبولیت اس وقت بڑھی جب انہوں نے جاری جنگ کو "غیر قانونی اور لاپرواہ” قرار دیا، امریکی بمباری میں شریک طیاروں کے لئے اسپین کی فضائی حدود بند کر دی اور ملک کے جنوبی حصے میں واقع فوجی اڈوں کے استعمال پر پابندی عائد کر دی۔
ادارہ 40 ڈی بی کی جانب سے اخبار ایل پائیس کے لئے کئے گئے سروے نے بھی اسی رجحان کی تصدیق کی ہے اور بتایا ہے کہ مشرقِ وسطیٰ کی صورتحال 2027 کے انتخابات پر براہِ راست اثر انداز ہو رہی ہے۔
ایل پائیس اسپین کا ایک معروف اور بااثر اخبار ہے جو میڈرڈ سے ہسپانوی زبان میں شائع ہوتا ہے اور سیاسی، معاشی اور بین الاقوامی خبروں کی جامع کوریج فراہم کرتا ہے، جسے اسپین اور دنیا بھر میں ایک معتبر ذریعہ سمجھا جاتا ہے۔
