کینیڈا کا مسافر طیارہ لینڈنگ کے بعد ٹرک سے ٹکرا گیا، دونوں پائلٹ ہلاک، 100 سے زائد مسافر زخمی
کینیڈا کا مسافر طیارہ لینڈنگ کے بعد ٹرک سے ٹکرا گیا، دونوں پائلٹ ہلاک، 100 سے زائد مسافر زخمی
ایئر کینیڈا کا مسافر طیارہ نیویارک ایئرپورٹ پر لینڈنگ کے بعد ٹرک سے ٹکرا گیا دونوں پائلٹ ہلاک ہو گئے۔
برطانوی خبر رساں ادارے روئٹرز کے مطابق نیویارک کے لاگارڈیا ایئرپورٹ پر ایئر کینیڈا کا مسافر طیارہ لینڈنگ کے بعد ٹرک سے ٹکرا گیا جس کے نتیجے میں طیارے کے اگلے حصہ کو شدید نقصان پہنچا جب کہ دونوں پائلٹ موقع پر ہی ہلاک ہو گئے۔
رپورٹ کے مطابق اس حادثے میں پانچ فائر فائٹرز سمیت 100 سے زائد مسافر زخمی ہوئے، جنہیں ریسکیو کرنے کے بعد فوری طور پر اسپتال منتقل کر دیا گیا۔
حادثے کے بعد ایئرپورٹ کو تمام پروازوں کے لیے بند کر دیا گیا۔
نیو یارک اور نیو جرسی کی پورٹ اتھارٹی نے مزید تفصیل بتائے بغیر کہا کہ فائر فائٹنگ گاڑی ایک الگ واقعے میں ریسکیو میں مصروف تھی، جب اسے ہوائی اڈے کے رن وے 4 پر ہوائی جہاز سے ٹکرایا گیا۔
این بی سی نیوز نے ذرائع کا حوالہ دیتے ہوئے کہا کہ فائر ٹرک پولیس افسران کے زیر انتظام تھا۔ اس حادثے کے نتیجے میں ایک سارجنٹ اور ایک افسر کو شدید چوٹیں آئی ہیں، تاہم ان کی اسپتال میں حالت مستحکم ہے۔
