ترکی پولیس نے شہر کارس میں 23 افغان مہاجرین اور تین انسانی اسمگلنگ میں ملوث افراد کو شاہراہ پر شناخت کے بعد گرفتار کرکے جیل منتقل کر دیا۔
یہ کارروائی غیر قانونی ہجرت اور انسانی اسمگلنگ کے نیٹ ورکس کے خلاف جاری سخت مہم کا حصہ ہے۔
افغانستان کے ٹیلیگرام چینل "خبرتازه” کے مطابق، ترکی کی سیکیورٹی اور انٹیلیجنس فورسز کے درمیان تعاون کے نتیجے میں غیر قانونی آمد و رفت کے راستوں پر قابو پایا جا رہا ہے، جس کے باعث یہ گرفتاریاں ممکن ہوئیں۔ حکام نے اس سلسلے میں مزید اقدامات جاری رکھنے پر زور دیا ہے۔
