افغانستان کے صحافیوں کے مرکز نے اعلان کیا ہے کہ کابل کے مقامی صحافی مہدی انصاری کو طالبان کی جانب سے ڈیڑھ سال کی غیر منصفانہ حراست کے بعد رہا کر دیا گیا ہے اور وہ اپنے خاندان سے مل لئے ہیں۔
خبر رساں ایجنسی اے ایف پی کے مطابق، مہدی انصاری کو بگرام جیل میں رکھا گیا تھا اور اس سے قبل انہیں “طالبان کے خلاف پروپیگنڈا” کے الزام میں سزا دی گئی تھی۔
افغانستان کے صحافیوں کے مرکز نے ان کی رہائی کا خیرمقدم کرتے ہوئے اس بات پر زور دیا کہ بیرونی میڈیا کے ساتھ تعاون کے الزام میں اس صحافی کے بنیادی حقوق کو سنجیدگی سے پامال کیا گیا۔
واضح رہے کہ مہدی انصاری گزشتہ سال 6 اکتوبر 2025 کو کابل کے علاقے دشتِ برچی میں اپنے دفتر سے واپسی کے بعد لاپتہ ہو گئے تھے، اور تین دن بعد ان کے اہلِ خانہ نے تصدیق کی کہ انہیں طالبان کی خفیہ ایجنسی نے حراست میں لے لیا ہے۔
