نماز عید سعید الفطر حجۃ الاسلام والمسلمین سید مہدی حسینی شیرازی کی امامت میں کربلائے معلیٰ میں نہایت روحانی اور باوقار ماحول میں ادا کی گئی، جس میں علما، افاضل و طلاب اور مومنین کی بڑی تعداد نے شرکت کی۔
یہ نماز حوزۂ علمیہ حضرت سید الشہداء علیہ السلام، واقع شارع باب القبله امام حسین علیہ السلام میں منعقد ہوئی۔
شرکاء نے ایک ماہ کی عبادت و اطاعت کے بعد شکر اور امید سے لبریز دلوں کے ساتھ ایک صف میں کھڑے ہو کر خشوع و خضوع کے خوبصورت مناظر پیش کئے۔
رمضان المبارک کے اختتام پر منعقد ہونے والی اس بابرکت عبادت نے ایک روح پرور اور سکون بخش فضا قائم کی، جس نے زائرین اور نمازیوں کے دلوں کو اللہ تعالیٰ کی قربت اور باہمی محبت کے رشتے میں جوڑ دیا۔
