سامرا میں حرم امام علی نقی اور امام حسن عسکری علیہم السلام کا عالمی یوم تعاون

ماہِ مبارک رمضان کے آخری جمعے کو، مرجعِ اعلیٰ آیت اللہ العظمیٰ سید صادق حسینی شیرازی کے دفتر کے اقدام پر، سامرا میں حرم امام علی نقی اور امام حسن عسکری علیہم السلام کا عالمی یوم تعاون کے طور پر منایا جاتا ہے۔
اس سلسلہ میں ہمارے ساتھی کی رپورٹ پر توجہ کریں :

ماہِ مبارک رمضان کے آخری جمعے کو، مرجعِ اعلیٰ قدر آیت اللہ العظمیٰ سید صادق حسینی شیرازی کے دفتر کی جانب سے ، سامرا میں حرم امام علی نقی اور امام حسن عسکری علیہم السلام کا عالمی یوم تعاون کے طور پر منایا جاتا ہے۔
اسی سلسلے میں ہر سال ہزاروں شیعہ اور اہلِ بیتِ عصمت و طہارت علیہم السلام کے عاشق، رمضان کے آخری جمعے کو شہر مقدس سامرا کا رُخ کرتے ہیں تاکہ اس عالمی دن کو عقیدت و احترام کے ساتھ منا سکیں۔
کربلا کے لوگ تقریباً ساٹھ سال سے، مرحوم مرجعِ تقلید آیت اللہ العظمیٰ سید محمد شیرازی قدس سرہ کی تاکید پر عمل کرتے ہوئے، ہر سال رمضان کے آخری جمعے کو امام علی نقی اور امام حسن عسکری سلام اللہ علیہما کی زیارت کے لیے سامرا جاتے ہیں — تاکہ انہیں ان دونوں اماموں سے اظہارِ عقیدت اور ان کے موعود فرزند، حضرت بقیۃ اللہ الاعظم مہدی منتظَر عجل اللہ تعالیٰ فرجہ، سے تجدیدِ عہد کا موقع ملے۔
اس سال بھی یہ سالانہ تقریب، آیت اللہ العظمیٰ شیرازی کے دفترِ روابطِ عامہ کی کوششوں سے شہر مقدس کربلا میں، مؤسسہ رسول اعظم صلی اللہ علیہ و آلہ کے تعاون سے منعقد ہو رہی ہے، اور عراق کے مختلف صوبوں سے بھی زائرین اس تقریب میں شریک ہوں گے۔
یہ دن سنہ ۲۰۰۷ء سے باضابطہ طور پر منایا جا رہا ہے، جب امامین عسکریین سلام اللہ علیہما کے روضۂ مبارک کے گنبد پر دہشت گردانہ حملہ ہوا تھا۔ اس دن کو اہلِ بیت علیہم السلام سے تجدیدِ عہد اور وفاداری کے اظہار کے ایک خاص موقع کے طور پر پہچانا جاتا ہے۔
قابلِ ذکر ہے کہ سینکڑوں گاڑیاں زائرین کو کربلا سے سامرا پہنچاتی ہیں۔ گزشتہ سال تقریباً سولہ ہزار افراد نے اس تقریب میں شرکت کی تھی، اور اس سال زائرین کی تعداد دوگنی ہونے کا اندازہ لگایا جا رہا ہے۔