نائیجیریا میں قبائلی تشدد اور مسلح گروہوں کے حملوں نے نہ صرف معاشرے کے امن و امان کو بحران میں مبتلا کر دیا ہے، بلکہ بچوں اور مدارس کو بھی براہِ راست خطرے میں ڈال دیا ہے اور تعلیمی سفر میں سنگین رکاوٹیں پیدا کر دی ہیں۔
اس موضوع پر میرے ساتھی کی رپورٹ ہم مل کر دیکھتے ہیں:
نائیجیریا میں قبائلی تشدد اور انتہا پسند سنی گروہوں کی سرگرمیاں — جن میں بوکو حرام، مقامی مسلح گروہ اور دیگر جنگجو شامل ہیں — نے ملک کے شمالی سے لے کر وسطی علاقوں تک وسیع پیمانے پر امن و امان کو متاثر کیا ہے۔
ان حملوں کی وجہ سے بچے اور مدارس سیکیورٹی بحران کی پہلی صف میں آ گئے ہیں اور والدین پریشانی کے عالم میں اپنے بچوں کو اسکول بھیجنے سے گریز کر رہے ہیں۔
اناطولو خبر رساں ادارے کی رپورٹ کے مطابق، تازہ ترین واقعے میں شمالی نائیجیریا کے ایک اسکول سے درجنوں بچوں اور اساتذہ کو اغوا کر لیا گیا — یہ واقعہ تعلیمی اداروں کو لاحق سنگین خطرات کی طرف عالمی برادری کی توجہ مبذول کرانے کا سبب بنا۔
یورو نیوز نے خبر دی ہے کہ گذشتہ سال مارچ کے مہینے میں "کوریا” شہر میں ایک اسکول سے دو سو ستائیس سے زیادہ طلبہ کو اغوا کیا گیا — جو کئی برسوں میں اجتماعی اغوا کا سب سے بڑا واقعہ تھا۔ ان حوادث نے خاندانوں میں شدید خوف و ہراس پھیلا دیا ہے اور بچوں کی تعلیم کا سلسلہ بری طرح متاثر ہوا ہے۔
رائٹرز کی رپورٹ کے مطابق، انتہا پسند سنی گروہوں اور مسلح گینگوں کے حملوں کے نتیجے میں مدارس عارضی طور پر بند ہو گئے، تعلیم کا سلسلہ ٹوٹ گیا اور خاندان اپنے بچوں کو اسکول بھیجنے سے کترانے لگے۔ حال ہی میں ایک کیتھولک اسکول سے کم از کم تین سو پندرہ بچوں اور اساتذہ کو اغوا کیا گیا — یہ واقعہ خاندانوں اور پوری دنیا کے لیے ایک گہرے صدمے کا سبب بنا۔
بین الاقوامی اور انسانی حقوق کی تنظیموں نے اس بڑھتے ہوئے تشدد پر گہری تشویش کا اظہار کیا ہے اور مدارس و بچوں کے لیے زیادہ سے زیادہ سیکیورٹی کا مطالبہ کیا ہے۔
تعلیمی ماہرین کا کہنا ہے کہ اس بحران کی وجہ سے بچوں کے باقاعدہ تعلیم میں داخلے اور شرکت کی شرح میں نمایاں کمی آئی ہے اور اس کے نائیجیریا کی انسانی اور سماجی ترقی پر دور رس منفی اثرات مرتب ہوں گے۔
یہ صورتِ حال صاف بتاتی ہے کہ اگر مدارس کی حفاظت اور بچوں کی سلامتی کے لیے فوری اقدامات نہ کیے گئے تو نائیجیریا کی آنے والی نسل تعلیم و تربیت کی راہ میں بہت بڑی مشکلات کا سامنا کرے گی۔
