ایران میں طبی مراکز کو نقصان پر عالمی ادارۂ صحت کی تشویش، بحران کے دوران اسپتالوں کے تحفظ پر زور

رپورٹس کے مطابق ایران میں فوجی حملوں کے نتیجے میں چند طبی مراکز کو نقصان پہنچا ہے۔

جس سے اسپتالوں اور طبی عملے کی سلامتی کے بارے میں سنجیدہ خدشات پیدا ہوگئے ہیں۔

بحران کے حالات میں یہ مراکز زخمیوں اور مریضوں کو علاج فراہم کرنے میں نہایت اہم کردار ادا کرتے ہیں۔

خبر رساں ادارہ ایسوسی ایٹڈ پریس کی رپورٹ کے مطابق عالمی ادارہ صحت نے بتایا ہے کہ تہران کے مطہری اسپتال سمیت سراب اور ہمدان کے دو ایمرجنسی طبی مراکز کو نقصان پہنچا ہے اور کم از کم دو طبی کارکن زخمی ہوئے ہیں۔

عالمی ادارۂ صحت کے ڈائریکٹر جنرل نے اسپتالوں اور طبی عملے کے تحفظ کی ضرورت پر زور دیا ہے۔