نو مسلم فرانسیسی خاتون آدلین جنہوں نے چودہ برس قبل اسلام قبول کیا اور اپنے لئے “ملک” نام منتخب کیا، اپنے ایمان کے تجربے کو زندگی کا ایک فیصلہ کن موڑ قرار دیتی ہیں۔ ان کے مطابق اسلام نے انہیں حقیقی امن، اخوت اور خدا سے تعلق کا مفہوم عطا کیا۔
وہ ایک مکمل طور پر غیر مذہبی گھرانے میں پلی بڑھیں، مگر اسلام کو وہ ایسا دین سمجھتی ہیں جو انسان کو گویا نئے سرے سے جنم دیتا ہے اور اس کی زندگی کے راستے کو روشن اور بامقصد بنا دیتا ہے۔
آناطولی نیوز کی رپورٹ کے مطابق، ملک کہتی ہیں کہ مسلمان دوستوں سے آشنائی اور ان کی عبادات سے وابستگی کا مشاہدہ اسلام میں ان کی دلچسپی کا پہلا محرک بنا۔
قرآنِ کریم کی تفاسیر کا مطالعہ اور پیغمبرِ خدا صلی اللہ علیہ وآلہ وسلم کی سیرت کا جائزہ لینے سے ان کا عقیدۂ توحید اور خدا سے براہِ راست تعلق مزید گہرا ہوا۔
فرانسیسی ذرائع ابلاغ بھی اس بات پر زور دیتے ہیں کہ یہ باطنی تبدیلی انہیں حقیقی ہمدردی اور انسانی یکجہتی کے مفہوم کے قریب لے آئی۔
فرانسیسی اخبار "لے مونڈ” نے رپورٹ کیا ہے کہ ملک اسلام کی رحمت، عدل اور معنویت پر زور دیتے ہوئے کہتی ہیں کہ اسلام قبول کرنا گویا ایک صاف و شفاف صفحہ پلٹنے کے مترادف ہے، جو انسان کو نورِ ہدایت کی جانب رہنمائی کرتا ہے۔
وہ اس بات کی نشاندہی کرتی ہیں کہ یہ سفر وقت، غور و فکر اور تدبر کا متقاضی ہے، لیکن یہ ان کی زندگی کا سب سے قیمتی فیصلہ ثابت ہوا ہے۔
